Spanja largon flamurin e Kosovës në Botërorin e hendbollit

Spanja ka hequr
flamurin e Kosovës në transmetimin direkt të ndeshjes debutuese të saj në
Botërorin e hendbollit.

Kosova U21 ka
debutuar në Grupin C me Kroacinë, ndërsa Spanja si organizatore e botërorit dhe
shtet që nuk e njeh Kosovën si shtet, ka hequr flamurin e Kosovës dhe të
Kroacisë nga transmetimi zyrtar i ndeshjes.

Spanja kishte prezantuar Kosovën në short me flamur të Federatës Ndërkombëtare të Hendbollit. Pas kësaj kishte pasur reagime nga Federata e Hendbollit e Kosovës dhe nga IHF-ja, që kishte paralajmëruar se Spanjës mund t’i merret e drejta e organizimit nëse nuk respekton simbolet e Kosovës.

Teksa në transmetim direkt të ndeshjes nuk është shfaqur flamuri i Kosovës, në fillim të ndeshjes ceremonia ishte e rregullt me flamur e me himn shtetëror.

Foto nga ndeshja mes Sllovenisë e Tunizisë ku vërehet se aty janë flamujt e dy kombëtareve

Leave a Reply

Your email address will not be published. Required fields are marked *