Rruga më e pjerrët në botë futet në librin e rekordeve Guiness, ajo gjendet në Uells

Ffordd Pen Llech në Harlech të Uellsit është rruga që ka arritur t’ia rrëmben titullin e librit të rekordeve Guiness, rrugës Baldwin në Dunedin të Zelandës së Re, si rruga më e pjerrët në botë, shkruan The Guardian.

Bëhet fjalë për një rrugë në veriperëndim të Uellsit që sfidon të gjithë personat me kondicion dhe çiklistët, që besojnë se mund t’ia dalin të ngjiten në rrugën më të pjerrët në botë, transmeton Telegrafi.

Ffordd Pen Llech gjendet në qytezën Harlech e njohur për kështjella dhe këngë. Kohë më parë si rruga më e pjerrët në botë ishte shpallur rruga Baldwin në Dunedin të Zelandës së Re.

Por, ky titull tani i takon Ffordd Pen Llech që njëherit është konfirmuar edhe nga zyrtarët e librit të rekordeve Guiness. Banorët e gëzuar me këtë titull janë parë duke festuar nëpër rrugë, me ç’rast është verifikuar pjerrtësia e saj prej 37.5%, kurse ajo në Zelandë të Re është prej 35%. /Telegrafi/

Leave a Reply

Your email address will not be published. Required fields are marked *